Бөгелмәдә 101 укучы яхшы укуы өчен югары билге белән бүләкләнде
Быел Бөгелмә районы янә Татарстанда белем бирү сыйфаты буенча иң яхшыларның берсе булырга мөмкин. Яңа аттестатлар алучылар әлегә биология һәм информатика буенча имтихан нәтиҗәләрен белми, әмма мәгариф идарәсе белгечләре әйтүләренчә, калган дисциплиналар буенча күрсәткечләр яхшы, дип хәбәр итә «Бугульминская газета».
Быел Бөгелмә районы мәктәпләре һәм гимназияләре 1026 тугызынчы сыйныф укучысы һәм 447 11нче сыйныф укучысын чыгарган, аларның тугызы йөз баллга имтихан тапшырган. 6 нчы мәктәпнең биш укучысы математика, физика һәм рус теле буенча югары балл күрсәтте. Әлеге мәктәп медаль алучылар саны буенча да алда бара – 34 яшүсмер РФ Мәгариф министрлыгы бүләкләрен алды. 2 номерлы лицейда аз гына кимрәк-биредә 23 медаль иясе чыгарыла. Тырышып укыган өчен шәһәр һәм район буенча барлыгы 101 укучы югары билге алды.