Кар яуганнан соң Бөгелмә коммуналь хезмәтләре шәһәрне кардан чистарта

23 гыйнвар 2020 ел., пәнҗешәмбе

21 һәм 22 гыйнварда яуган кар көтелмәгән сюрприз булмады. Бүген иртәнге өчтән «Бөгелмә-Сервис» хезмәткәрләре шәһәрне чистарта. Башта үзәк урамнар, мәктәпләр һәм балалар бакчалары чистартыла. Алга таба автобус маршрутлары, шәһәрдән чыгу урыннары. Аннары икенчел дәрәҗәдәге урамнар һәм шәхси сектор.

Тротуардан карны ишегалларын җыештыручылар һәм кечкенә төягечләр җыештыра. Нәкъ менә алар җәяүлеләр өчен юллар сала, үзәктә һәм периферия урамнарында тротуарларны чистарта, бозлавыкка каршы чаралар сибә.

Игорь Фәхриев, "Бөгелмә-сервис" компаниясенең баш инженеры билгеләп үткәнчә, 2020 ел башыннан аның хезмәткәрләре нибары 1-2 көн ял иткән. Бу вакытта машина йөртүчеләр һәм ишегалларын җыештыручылар махсус режимда эшли. Аномаль кар явуы юк, әмма явым-төшемнәр көн саен диярлек була.

- Барлык хезмәткәрләр дә намус белән тырышып эшлиләр, юлларда һәм тротуарларда иминлек аларның хезмәтенә бәйле икәнен аңлыйлар.

Шәһәрдә барлыгы 23 берәмлек техника - ТС, МТЗ яки төягеч базасында ротор, кар чистартучы, катнаш юл машиналары (КДМ), автогрейдерлар, асылмалы җиһазлары булган тракторлар, кече-төягечләр, К-700, кар төягече, фронталь төягеч эшли. Шәһәр предприятиеләре дә ярдәм күрсәтә.

Предприятие алдан ук бозлавыкка каршы материаллар белән тәэмин ителгән. Бүгенгә 80 тонна комлы катнашма, 60 тонна тоз, 600 тонна ком һәм 16 тонна реагент бар. Кар полигонына шәһәр урамнарыннан, тротуарлардан, парклардан, скверлардан 2 мең тоннадан артык кар чыгарылган инде. Эш тәүлегенә 24 сәгать бара.

Шәһәрнең ишегалды территорияләрен чистарту белән, үз чиратында, идарәче компанияләр һәм ТСЖ шөгыльләнә. Барлыгы 9 берәмлек махсус техника бар. Моннан тыш, идарәче компанияләр тарафыннан кышкы чорга махсус техника арендалау килешүләре төзелгән - өстәмә 8 берәмлек. Ишегалды территорияләрен кардан чистарту өчен 190 кешедән торган хезмәткәрләр штаты бар.

«Бөгелмә Сервис» ҖЧҖнең диспетчерлык хезмәте 7-03-04 телефоны буенча халыктан гаризалар кабул итә. Өстәмә рәвештә Бөгелмә муниципаль районы Башкарма комитетының ТКХ, юл хуҗалыгы, транспорт һәм элемтә бүлегендә шәһәр урамнарын чистарту буенча кайнар линия оештырылды: телефоны 8(85594) 4-38-65. Ишегалды территорияләрен чистарту буенча гаризаларны «Уют» торак милекчеләре ширкәтенә 4-81-41 телефоны буенча,“Тан” торак милекчеләре ширкәтенә  6-09-12  телефоны буенча, “Нефтяник” торак милекчеләре ширкәтенә 4-70-92 телефоны буенча, “Спутник” ТСН 2-10-34 телефоны буенча кабул итәләр.

“Халык контроле” дәүләт мәгълүмат системасы системасында яшәүчеләрнең барлык мөрәҗәгатьләре электрон документлар әйләнеше, кайнар линия ярдәмендә вакытында эшкәртелә һәм мөрәҗәгать итүчегә сорау буенча эш башкарылганнан соң хәбәр ителә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования