Май аенда Бөгелмә районында 91 бала туган

2020 елның 2 июне, сишәмбе

Май аенда Бөгелмә районында 91 бала туган, бу узган елның шушы чорына караганда, 13 балага күбрәк.

Аларның 46сы – малай һәм 45е – кыз, шул исәптән 1 игезәк. Май аенда Бөгелмә районында күп балалы гаиләләр саны 21 гаиләгә арткан.

Бөгелмәнең 6 гаиләсендә дүртенче бала туган. 30 гаиләдә – беренче, 34 гаиләдә – икенче бала дөньяга килгән. Бу айда иң зур баланың гәүдә авырлыгы 4760 гр. тәшкил иткән, ә иң кечкенә баланың авырлыгы – 2250 гр. булган

Егор, Тимур, Артём, Валерия, Милана, Мираслава элеккечә популяр исемнәр булып кала бирә.

Майда иң гадәти булмаган исемнәр Савва, Сэм, Самуил, Элеонора, Эсмира булды.