Бөгелмә районы башлыгы шәхси сораулар буенча гражданнарны кабул итте
Кабул итүдә шулай ук район хакимиятенең структур бүлекчәләре җитәкчеләре дә катнашты. Гражданнар мөрәҗәгать иткән сораулар торак-коммуналь хуҗалык, төзекләндерү, матди ярдәм күрсәтү һ. б. кагылышлы иде.
Әйтик, Бауман урамындагы күп фатирлы йортта яшәүче пенсионер ханым подвалда даими дымлылык һәм фатирда җылылык булмау мәсьәләсе буенча мөрәҗәгать итте. Әлеге адрес буенча ТКХ Департаменты хезмәткәрләренең идарәче компания белән берлектә, комиссия белән чыгуы үткәреләчәк.
Күп балалы әни конкрет торак пунктта программа буенча җир участогы бүлеп бирү мәсьәләсе буенча мөрәҗәгать итте. Районның спорт учреждениесе тренерының авыр атлетика залына спорт инвентаре алу мәсьәләсе уңай хәл ителде. Шәхси эшмәкәрнең балаларны һөнәрләргә өйрәтү өчен остаханәләр төзү белән бәйле мөрәҗәгате буенча, шәһәр башлыгы шәхсән үзе чыгарга вәгъдә бирде.
Кабул итү барышында башка сораулар да бирелде, аларның бер өлешенә җаваплар кабул итү барышында бирелде, бер өлеше гражданнарга соңрак язма рәвештә җиткереләчәк. Барлык мәсьәләләр буенча тиешле йөкләмәләр бирелде.
Район башлыгына кабул итүгә гаризаны хакимиятнең рәсми сайтында интернет-кабул итү бүлмәсе аша җибәреп, язылырга мөмкин Bugulma.tatar.ru шулай ук 8(855594) 4-19-10 телефоны буенча.