Бөгелмәдә Бөек Җиңүнең 76 еллыгы уңаеннан бәйрәм чаралары барлык кирәкле куркынычсызлык чараларын үтәп узачак
Бөгелмә муниципаль районында Совет халкының Бөек Ватан сугышында Җиңүенә 76 ел тулу уңаеннан бәйрәм чаралары барлык эпидемия чараларын үтәп узачак. Бу хакта атналык «Эшлекле дүшәмбе» киңәшмәсендә район башкарма комитеты җитәкчесенең социаль мәсьәләләр буенча урынбасары Ольга Плеханова хәбәр итте.
26 апрельдә "Георгий тасмасы" Бөтенроссия акциясе старт ала. «Җиңү волонтерлары» Бөтенроссия иҗтимагый хәрәкәтенең Татарстан төбәк бүлегенең Бөгелмә бүлеге хезмәткәрләре шәһәр урамнарында Георгий тасмаларын таратачак.
Гадәттәгечә, үзәк чара – Хәрби парад. Техника йорты каршындагы мәйданда бәйрәм парадында запастагы хәрби хезмәткәрләр, тикшерү изоляторы хезмәткәрләре, шәһәрнең белем бирү учреждениеләре укучылары һәм студентлары арасыннан 30 Строй тартмасы узачак. Чарада катнашучыларны «Кыр кухнясы», «Солдат привалы» концерт мәйданчыгы көтә. Шулай ук кичке бәйрәм программасы планлаштырылган, ул фейерверк белән тәмамланачак.