Бөгелмәлеләр Төньяк Кавказда һәлак булучыларны искә алды

2018 елның 25 сентябре, сишәмбе

Бөгелмәлеләр Төньяк Кавказда һәлак булучыларны искә алдылар. Аларга багышланган тантаналы митинг сугышчы-интернационалистлар һәйкәле янында узды.

1994-1996 елларда барган сугышта, Берләшкән хәрби төркемнәр штабы хәбәр иткәнчә, 4 меңнән артык хәрби хезмәткәр һәлак булган, 19 меңе яраланган, 1 231 кеше - хәбәрсез югалганнар исемлегендә.

Бу көнне Төньяк Кавказда булган сугыш юлларын үткән, Ватаны алдындагы бурычын үтәгән һәр солдат искә алынды. Алар рухына багышлап, чәчкәләр салынды.