Бөгелмәдә хәрби хезмәткә чакырылучылар көнен үткәрделәр

2019 елның 16 апреле, сишәмбе

Кадет интернат-мәктәбендә Ватанны саклаучылар сафларына алынучыларга - 2019 елгы язгы чакырылышка багышланган тантаналы кичә узды. 1 апрельдә башланган язгы чакырылыш кампаниясе барышында Татарстан Республикасыннан өч меңнән артык егет, шул исәптән Бөгелмә егетләре дә Россия Кораллы Көчләре сафларын тулыландырачак.

Бөгелмә муниципаль районыннан хәрби хезмәткә 1992-2001 елларда туган, кичектерү хокукы булмаган 102 егет чакырылачак. 

Бөгелмә хәрби комиссариатыннан республика җыелу пунктына беренче озату 22 апрельгә планлаштырылган, ул агымдагы елның 15 июлендә тәмамлана.