“Сезгә, туганнар!” акциясе кысаларында, Бөгелмәдә Бөек Ватан сугышында катнашучыларга бүләкләр тапшырдылар

2020 елның 9 мае, шимбә

Бөгелмәдә “Сезгә, туганнар!” акциясе уза, аның кысаларында волонтерлар Бөек Ватан сугышы ветераннарын Җиңү көне белән котлыйлар. Аларга бәйрәм җыелмалары һәм георгий тасмалары тапшырыла.

"Сезгә, туганнар" социаль әһәмиятле акциясе Россиянең 84 субъектында "Без бергә" бөтенроссия акциясе кысаларында, гамәлгә ашырыла. Акциягә Бөгелмә эшмәкәре дә кушылды - Бөгелмәдә Бөек Ватан сугышында катнашучылар өчен өстәмә бәйрәм җыелмалары әзерләгән иде.