Ел проекты: «Безнең ишегалды» программасын гамәлгә ашыру

2020 елның 3 августы, дүшәмбе

2020 елда Бөгелмәдә 40 ишегалды территориясе төзекләндереләчәк. «Эшлекле дүшәмбе» киңәшмәсендә «Безнең ишегалды» Президент программасын Бөгелмә муниципаль районында гамәлгә ашыру турында район башкарма комитеты җитәкчесе урынбасары Вахит Гарәфетдинов сөйләде.

2020 елдан Татарстан Республикасы Президенты Рөстәм Миңнеханов тарафыннан «Безнең ишегалды» республика программасын башлау турында карар кабул ителде. Программаның максаты Татарстанның барлык күпфатирлы йортларында, халыкның теләкләрен исәпкә алып, ишегалды территорияләрен төзекләндерү һәм эшләрнең сыйфатын саклау. Ишегалларны төзекләндерү проектлары халык белән килешеп уза.