Бөгелмә мөхтәсибәте "Ислам нигезләре" курслары башлануы турында игълан итә

2020 елның 23 сентябре, чәршәмбе

Бөгелмә районы мөхтәсибәте барлык теләүчеләрне "Ислам нигезләре" курсларына чакыра.

Беренче җыелыш 27 сентябрьдә (якшәмбе көнне) 10.00 сәгатьтә Бөгелмә үзәк мәчетендә узачак.

Ислам нигезләрен өйрәнү курслары кысаларында ир-атлар һәм хатын-кызлар төркемнәре булдырылды.

Дәресләр ТР мөселманнары Диния нәзарәте тарафыннан расланган программа буенча квалификацияле укытучылар тарафыннан алып барыла.

Курсларда тыңлаучыларны Ислам нигезләренә, гарәп теленә һәм Коръән уку кагыйдәләренә өйрәтәчәкләр. Укыту бушлай.

Тулырак мәгълүматны 8-939-736-14-61; 4-16-98 телефоннары аша алырга мөмкин.