Бөгелмәдә 10нчы игезәк пар туды

2020 елның 16 ноябре, дүшәмбе

2020 елның 14 ноябрендә Татарстан Республикасы Бөгелмә муниципаль районы башкарма комитеты ГХАТ бүлегендә 2020 ел башыннан унынчы игезәк пар тууы теркәлде. Ике могҗиза – ике матур малай туды. Бәхетле очрак Мокеевлар - Сергей һәм Вера гаиләсендә булды.
Сабыйлар 11 ноябрьдә 1 минут аерма белән дөньяга килде. Нәниләрне Александр һәм Михаил дип атадылар.
Беренче документларны - туу турында таныклыкларны тапшырганда, ГХАТ бүлеге хезмәткәрләре ата-аналарны чын күңелдән әлеге вакыйга белән котладылар, аларга иминлек, бәхет, игелек, шулай ук балаларны тәрбияләүдә уңышлар теләделәр.