Безгә бәйрәм килә: Бөгелмә Яңа елны каршыларга әзерләнә

2020 елның 23 ноябре, дүшәмбе

Иң тылсымлы бәйрәмнәрнең берсе - Яңа ел якынлаша. Бары бер генә, әмма бик зур сорау - аны пандемия бозмасмы? Әлегә Татарстанда гомуми күңел ачуны бетерү турында сүз бармый. Моннан тыш, Бөгелмә Яңа елны каршылауга әзерләнә башлады инде.

2021 ел - Утлы үгез елы. Үзәк мәйданны оештыру концепциясе 7-13 яшьлек балалар белән берлектә эшләнгән.

Кар шәһәрчегенең төп идеясе  -иллюзияләр дөньясы. Балалар аның тормышка ашуын түземсезлек белән көтәләр, алар өчен бу уникаль проектлау тәҗрибәсе. Яңа ел шәһәрчегендә зурлыкны кабул итү өчен гаять зур көнкүреш элементлары – урындыклар, әкияти ишек, керү аркалары, бүләк һ. б. булачак.