Бөгелмәдә авыл хуҗалыгы ярминкәсе 28 ноябрьдә узачак

2020 елның 26 ноябре, пәнҗешәмбе

Шимбә көнне, 28 ноябрьдә, 8.00 сәгатьтән башлап, бөгелмәлеләр җирле товар җитештерүчеләр продукциясен сатып ала алачаклар. Үз товарларын шәхси хуҗалыклар, шәхси эшмәкәрләр, крестьян-фермер хуҗалыклары һәм авыл хуҗалыгы предприятиеләре тәкъдим итәчәк.

Авыл хуҗалыгы ярминкәсенә килүчеләр ит, казылык, сөт, каймак, эремчек, бал, ярма, он, яшелчә һәм җиләк-җимеш сатып ала алачаклар. Ярминкә гадәттәгечә Үзәк мәйданда - Гашек урамы территориясендә узачак.