Бөгелмәдә май бәйрәмнәре алдыннан куркынычсызлык чараларын көчәйтәчәкләр
Яз һәм хезмәт бәйрәменә, шулай ук Бөек Ватан сугышында Җиңүнең 76 еллыгына багышланган бәйрәм чараларына әзерлек һәм аларны уздыру чорында җәмәгать куркынычсызлыгын көчәйтү буенча өстәмә чаралар турында полиция башлыгы урынбасары Иван Ионов хәбәр итте.
Ул билгеләп үткәнчә, 2021 елның беренче кварталында Россия Эчке эшләр министрлыгының Бөгелмә районы буенча бүлегенең шәхси составы тугыз гавами, иҗтимагый-сәяси, спорт һәм мәдәни-массакүләм чаралар үткәргәндә җәмәгать тәртибен һәм җәмәгать куркынычсызлыгын тәэмин иткән. 230 полиция хезмәткәре, 15 шәхси сакчылык структуралары һәм «Форпост» хокук саклау юнәлешендәге яшьләр оешмасы хезмәткәре хезмәт итүгә җәлеп ителгән.
1 май көнне, хезмәт ияләренең халыкара бердәмлеге көнендә, Бөгелмәдә өч мәдәни-тамаша чарасы узачак: Үзәк мәйданда һәм Яшьләр сарае янында ике бәйрәм концерты, шулай ук туристлар походы.
"Россия Эчке эшләр министрлыгының Бөгелмә районы буенча бүлегенең шәхси составы Яз һәм хезмәт бәйрәменә, шулай ук Бөек Ватан сугышында Җиңүнең 76 еллыгына багышланган бәйрәм чараларын үткәргәндә җәмәгать тәртибен саклау һәм гражданнарның куркынычсызлыгын тәэмин итү бурычларын үтәргә әзер", - дип нәтиҗә ясады Иван Ионов.