Бөгелмә спортчылары Уфаның 2021 халыкара марафонында катнашты
Башкортстан башкаласында 12 сентябрьдә җиденче тапкыр Уфа халыкара марафоны узды. Биш дистанциядә стартка шәһәрнең тарихи үзәге территориясендә 18 илдән һәм Россиянең 34 төбәгеннән 4 меңнән артык катнашучы чыкты. Йөгерештә иң өлкән катнашучыга - 84 яшь, иң яшь катнашучыга - 1 яшь.
Старт алучылар арасында Бөгелмәнең ике вәкиле дә бар иде. Ильяс ШӘЙГАРДАНОВ-Бөгелмә машина төзелеше техникумының физик культура укытучысы, аның өчен бу марафон 30 нчы булды. Рим Газизуллин - ТНГ-групп компаниясенең ЦГИ инженер-программисты, ул марафон дистанциясендә беренче тапкыр үз көчен сынап карады. Бөгелмәдән җиңел атлетика сөючеләр үзләренең катнашуларын яраткан шәһәр юбилеена багышладылар.
Нәтиҗәдә Ильяс Шәйгарданов үз яшь категориясендә (55-59 яшь) призлы 3 нче урынны алды. Шунысын да билгеләп үтәргә кирәк, нәкъ 5 ел элек Ильяс Шәрипҗан улы Уфада 4сәг.00мин.44 секунд нәтиҗә белән үзенең беренче марафонын йөгереп үтте. Быел аны 37 минутка яхшыртты.