Халык санын алу ни өчен бик мөһим

2021 елның 22 октябре, җомга

15 октябрьдән 14 ноябрьгә кадәр Бөтенроссия халык санын алу бара.

Бөгелмәлеләр "Дәүләт һәм муниципаль хезмәтләрнең бердәм порталында" халык санын алуда катнаша алалар. Шулай ук шәһәрдә һәм районда стационар исәпкә алу участоклары эшли.

Бүгенге көндә мондый участоклар: күпфункцияле үзәк (Җәлил ур., 23), Дәүләт статистикасы бүлеге (Калинин ур., 61), «Чаңгы базасы» спорт-сәламәтләндерү комплексы (Ломоносов ур., 4), районның 4 эре авыл җирлеге һәм шәһәр тибындагы Карабаш бистәсе.

18 октябрьдән сан алучылар үз участокларының торак урыннарын йөреп чыга, дәүләт хезмәтләре порталында Халык санын алу узмаганнарны исәпкә ала, шулай ук интернет-исәпкә алуны раслау кодларын чагыштырып карый.