Бөгелмә театры Җиңү көне уңаеннан, онлайн-марафонда катнаша

2022 елның 4 мае, чәршәмбе

А.Н. Островский исемендәге Димитровград драма театры өченче ел Бөек Ватан сугышында Җиңүгә багышланган спектакльләр марафонын үткәрә.

Быел Баталов исемендәге Бөгелмә театры да «Җиңү юллары»-2022 III Халыкара театр онлайн-марафонында катнашу өчен гариза бирде. Жюри әгъзалары сылтама буенча «Хуш, конферансье» спектаклен карадылар һәм аны хупладылар.

Соңрак экспертлар үз бәяләрен бирәчәкләр, катнашучылар арасында төрле номинацияләрдә җиңүчеләрне билгеләячәкләр. Бу номинациядә җиңүчене билгели торган халык тавыш бирүе дә бар.