Линар Закиров язгы кыр эшләренең барышын тикшерде
Бүген Бөгелмә муниципаль районы башлыгы Линар Закиров язгы кыр эшләренең барышын тикшерде. Шушы көннәрдә Бөгелмә аграрийлары иртә язгы культуралар чәчүгә кереште. Коробково һәм Сула торак пунктларындагы кырларны Бөгелмә районының иң эре инвесторларының берсе булган «Төньяк Нива Татарстан» компаниясе эшкәртә.
"Безнең авыл хуҗалыгы җитештерүчеләре белән очрашып, мин аларны эшне оештыруга, бигрәк тә минераль ашламалар куллануга заманча карашка юнәлдерәм. Бүген без районның авыл хуҗалыгы җирләрендә актив матдәнең уртача дәрәҗәсен гектарына 50 килограммга җиткердек. Атна саен бу күрсәткеч арта, август аенда гектарына 85 килограммга җитәрбез, һәм бу бик яхшы нәтиҗә. Шуның сәбәпле без район өчен тотрыклы уңыш тәэмин итә алачакбыз һәм бу һава торышына бик нык бәйле түгел», - дип билгеләп үтте Бөгелмә районы башлыгы.
2023 елда чәчү мәйданы 57 мең гектар тәшкил итәчәк. 180 трактор җәлеп ителәчәк. Бүгенге көндә 540 гектар чәчелгән. Районда иртә язгы культураларны чәчүне 1 майга кадәр тәмамлау планлаштырыла.