Бөгелмә тикшерү изоляторы хезмәткәрләре "Кызыл канәфер" акциясенә кушылды

2023 елның 17 мае, чәршәмбе

Бөгелмәдә «Кызыл канәфер» Бөтенроссия хәйрия акциясе дәвам итә. 

Социаль әһәмиятле проектка Бөгелмә СИЗО-3 хезмәткәрләре дә кушылды.

Истәлекле даталарда «Кызыл канәфер» билгесен киеп, ил халкы хәзерге вакытта яшәүче ветераннарга рәхмәтләрен белдерә һәм һәлак булганнар турында истәлекләрен саклый. Акция 22 июньгә кадәр дәвам итәчәк. Значокларны сатудан кергән барлык акчалар фондка - Бөек Ватан сугышы һәм башка хәрби хәрәкәтләр ветераннарына ярдәм күрсәтү өчен китә.