Бөгелмәдә яшәүче 5 меңнән артык бала бу җәйдә сәламәтләндерү лагерьларында ял итәчәк
Бөгелмәдә 2023 елгы балалар җәйге сәламәтләндерү кампаниясенә әзерлек эшләре алып барылды. Бөгелмә районына стационар һәм мәктәп яны лагерьларында балалар һәм яшьләрнең ялын оештыруга 4 389 юллама бүлеп бирелгән. 2023 елга муниципаль программаны финанслау күләме 42 миллион сумнан артык тәшкил итә, шуларның 32 миллионы - Татарстан Республикасы бюджеты акчалары.
"Бөгелмә районының барлык балалар лагерьлары да балаларны кабул итәргә әзер. Объектларның террорчылыкка каршы сакланышына, янгын куркынычсызлыгына, санитар-эпидемиологик нормаларны үтәүгә аерым игътибар бирелә. Лагерьда җәйге ял безнең балаларның исендә калырга тиеш. Җәйне яхшы үткәрергә, яңа дуслар табарга, авырлыкларны җиңәргә - болар барысы да шәһәр читендәге лагерьның бер сменасына туры килә", - дип билгеләп үтте Бөгелмә районы башлыгы Линар Закиров.