Хезмәткә Бөгелмәдән контрактчылар китте

2023 елның 31 мае, чәршәмбе

Бүген тагын алты бөгелмәле контракт буенча хәрби хезмәткә китте. Ватанны саклаучыларны дуслары, туганнары, район администрациясе, хәрби комиссариат вәкилләре, руханилар озатты.

"Бүген безнең алда чын ир-атлар: Ватаныбызны яклаучылар! Без сезнең сайлау белән горурланабыз! Сездән хәрби устав таләпләрен, командирларның күрсәтмәләрен үтәвегезне, үзегезне лаеклы тотуыгызны сорыйм. Сезне сәламәт һәм һичшиксез җиңү белән көтәбез, - дип шәрехләде хәрбиләргә Бөгелмәнең хәрби комиссары полковник Рафаэль Миңнетдинов.

Контракт буенча хәрби хезмәткә гаризаны дәүләт хезмәтләре аша яки Россия Оборона министрлыгы сайтында шәхси кабинетта бирергә мөмкин. Шулай ук гариза белән якындагы хәрби комиссариатка мөрәҗәгать итәргә мөмкин.