Бөгелмәлеләр социаль инициативалар конкурсында ярты миллион сум акча отты

2023 елның 16 августы, чәршәмбе

Бөгелмәлеләр, туган апалар, Любовь Столярова һәм Полина Пронина «Татнефть «Яхшылык энергиясе» ААҖ социаль инициативалар конкурсында җиңү яуладылар. Алар проектлары өчен 500 000 сум күләмендә грант ярдәме алдылар.

Проект идеясен тормыш ситуациясе тәкъдим итә. 2020 елдан апалы-сеңелле әниләрен дәвалауны оештыралар һәм онкология белән авыручыларның, бигрәк тә өлкән яшьтәге һәм аз хәрәкәтләнүче пациентларның нинди авырлыклар белән очрашканын беләләр.

2023 елда Бөгелмә үзәк район хастаханәсе базасында амбулатор онкология ярдәме үзәген ачу Бөгелмә өчен мөһим вакыйга булды. Грант акчасына сатып алынган заманча урындыкларны кызлар бу учреждениегә тапшыралар.