Төнге һава температурасы 0 градуска кадәр төшә

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, иртәгә – 8 октябрьдә, аязучан болытлы һава торышы хакимлек итәчәк.

Республиканың күпчелек районнарында яңгыр явачак.  Төньяк-көнчыгыш тарафтан талгын җил исәчәк.

Татарстанда һава температурасы төнлә – 4-9, көндез – 9-14 градус җылы булачак. Казанда да яңгыр ява. Төнлә – 6-8, көндез – 10-12 градус җылы булачак.

9 октябрьгә каршы төндә һава температурасы 0-5 градус кына җылы булачак.