Ныклы гаилә: Бөгелмә районында Пеньковлар нәселенә багышланган чара узды
Ефановка авыл клубында 2018 елдан башлап «Ныклы гаилә» проекты кысаларында, «Булачак ата-аналар һәм элеккеге балалар әңгәмәсе» исеме астында чаралар циклы гамәлгә ашырыла, ул гаилә кыйммәтләрен пропагандалауга юнәлдерелгән.
Шушы көннәрдә, Ефановка авылында 1828 елдан бирле яшәгән Пеньковлар нәселенә багышланган «Яхшы нәселнең тәрҗемәсе юк» дигән чара узды.
Чарада катнашучылар зур кызыксыну белән гаилә генеалогик тарихын өйрәнделәр һәм фотокүргәзмәне карадылар, Г. В. Пеньковның нәсел тарихы, авыл барлыкка килү чоры турында автобиографик язмалары белән таныштылар. Анда ике йөздән артык кеше җыелган иде, үзләренең ата-бабалары, гаилә һәм авыл гореф-гадәтләре, йолалары турында истәлекләре белән уртаклаштылар. Ефановка авыл клубы һәм Иске Исаково авыл мәдәният йорты иҗат коллективларының матур концерт номерлары тамашачыларга онытылмаслык тәэсирләр бүләк итте.