Депутат контролендә: гражданнарны шәхси кабул итү

2019 елның 3 сентябре, сишәмбе

Бөгелмәдә Татарстан Республикасы Дәүләт Советы депутаты Рифнур Сөләйманов шәхси сораулар буенча халыкны кабул итте.

Мөрәҗәгать итүче гражданнарның сораулары электр энергиясе өчен ОДН түләү, протезлау вакытында ярдәм күрсәтү, йортның сыйфатсыз башкарылган капиталь ремонты, подъезд каршындагы мәйданчыкны асфальтлау һәм башка мәсьәләләргә кагылды.

Рифнур Сөләйманов «Бердәм Россия» партиясенең җирле бүлекчәсенең җәмәгатьчелекне кабул итү бүлмәсенә мөрәҗәгать иткән һәркемне игътибар белән тыңлады, сорауларга ачыклык кертте, аерым мәсьәләләрне хәл иткәндә нинди вариантлар булырга мөмкин икәнлеген сөйләде.

Гражданнарның барлык мөрәҗәгатьләре депутатның шәхси контроленә алынды.