Татарстанда яшь комбайнчылар арасында «Хезмәт кешесен данлыйбыз» республика телевизион конкурсы башланды

2020 елның 19 августы, чәршәмбе

Татарстанда яшь комбайнчылар арасында «Хезмәт кешесен данлыйбыз» дигән республика телевизион бәйгесе башланды. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итә. «Акциянең төп бурычы – авылда яшьләр арасында эшче белгечлекләрен популярлаштыру», - диелә хәбәрдә. Конкурс кысаларында, яшь комбайнчыларның 2020 елгы уракта ничек эшләве хакында сюжетлар телевидениедә  күрсәтеләчәк.

Бәйгегә нәтиҗәне республика Уңыш бәйрәме алдыннан ясаячаклар.