Яңа ел бәйрәмнәре уңаеннан Бөгелмәдә һәм районда төрле киңлекләрдә бәйрәм чаралары оештырылды.
3 гыйнвар көнне Техника йорты мәйданында шәһәр халкы өчен "Күңелле Яңа ел" дигән урам уеннары үткәрелде. Чыршы тирәли уеннар, җырлар, биюләр, әйлән-бәйләннәр, бәйрәм кәефе тудырды, ә Кыш Бабай, Кар кызы һәм әкият персонажлары балачак һәм тылсым атмосферасына чумдырдылар. Барлык катнашучылар да Яңа ел флешмобына бик теләп кушылдылар.
4 гыйнвар көнне үзәк мәйданда Татар мәдәният үзәге оештырган татар телендә бәйрәм концерт программасы булып узды. Концерт башында барлык тамашачыларны күңелле җыр-бию белән килгән Кыш бабай сәламләде.
7 гыйнвар көнне Техника йорты мәйданында Раштуа бәйрәме узды. Чара кунаклары әкият персонажлары белән очраштылар, әйлән-бәйлән, күңелле уеннарда катнаштылар, Техника йортының иҗат коллективлары чыгышларын күрделәр һәм татлы призлар алдылар.