Бөгелмә имам-мөхтәсибе Бөгелмә районы Башлыгының Рәхмәт хаты белән бүләкләнде

2021 елның 21 мае, җомга

Бөгелмә муниципаль районы башлыгы Линар Закиров Бөгелмә шәһәре һәм Бөгелмә районы имам-мөхтәсибе Рамил хәзрәт Хөснетдиновка "ТР Бөгелмә муниципаль районы җәмгыятенең рухи һәм әхлакый кыйммәтләрен саклауга керткән өлеше өчен" рәхмәт хатын тапшырды.

Бүләкләү тантанасы Бөгелмә шәһәренең үзәк мәчетендә узды. Бөгелмә муниципаль районы башлыгы Линар Закиров Рамил хәзрәткә һәм Бөгелмә мөхтәсибәтенең имамнарына нәтиҗәле эшләре өчен рәхмәт белдерде һәм коллективка алга таба да уңышлар теләде.