"Һөнәрче Бөгелмә": традицион һөнәрләрнең төбәкара фестивале
Туган телләр һәм Халык бердәмлеге елында, Бөгелмә муниципаль районы Башкарма комитеты һәм Татарстан Республикасы Мәдәният министрлыгы ярдәме белән, 28 август көнне Бөгелмә шәһәрендә «Һөнәрче Бөгелмә» төбәкара традицион һөнәрчелек фестивале узды.
Фестивальнең максаты - Татарстанның тарихи һәм мәдәни мирасын халык кәсепләрен һәм һөнәрләрен үстерү һәм саклау юлы белән популярлаштыру.
Бәйрәмгә Бөгелмә районыннан гына түгел, ә Әлки, Әлмәт, Баулы, Түбән Кама, Яңа Чишмә, Кама Тамагы муниципаль районнарыннан, Казан шәһәреннән, Чувашия һәм Башкортостан Республикаларыннан, Оренбург һәм Самара өлкәләреннән дә халык осталары, осталар, иҗат коллективлары һәм аерым башкаручылар килгән иде.
Чара ахырында фестивальдә катнашучыларны бүләкләү тантанасы булды. Бәйрәм ике меңнән артык кешене җыйды.