"Эшлекле дүшәмбе" киңәшмәсе: атна бурычлары
Бөгелмә мэриясендә идарә һәм ведомство җитәкчеләре катнашында атналык «Эшлекле дүшәмбе» киңәшмәсе узды. Атнага төп бурычлар билгеләнде.
Октябрь уртасыннан Бөгелмә муниципаль районында гадәттәгечә кышкы юлларны карап тоту режимы эшли башлады. Бу хакта шәһәр Башкарма комитеты җитәкчесе Михаил Коньков хәбәр итте.
Узган атнадан "Бөгелмә Сервис" ҖЧҖ махсуслаштырылган предприятиесе тәүлек буе эшли торган эш режимына күчте. Төнлә минуслы температура булу сәбәпле, бозлавык барлыкка килергә мөмкин.
Ишегалды территорияләренә килгәндә, аларны кышкы чорда карап тоту - идарәче компанияләр һәм ТСЖ җаваплылыгы зонасында. Оешмаишегалларын җыештыру өчен 13 берәмлек техника җәлеп итәргә планлаштыра. Агымдагы атнада һәр идарәче компаниягә бару оештырылачак.
Россиядә узган атнада коронавирус һәм үлем очракларының иң күбе теркәлгән. Бөгелмә муниципаль районы буенча статистик мәгълүматларны Роспотребнадзорның территориаль бүлеге начальнигы Владислав Долгих җиткерде. Бүгенге көндә Бөгелмәдә коронавирус расланган диагноз белән 36 кеше теркәлгән. 174 кеше пневмония диагнозы белән хастаханәләргә салынган, 499 кеше амбулаториядә дәвалана. Узган атна белән чагыштырганда үсеш 15 процент тәшкил итте. Вакцинация вакытында район тарафыннан коронавирус инфекциясеннән 35 мең дозадан артык вакцина алынды.
Татарстан мәктәпләрендә көзге каникуллар 1-7 ноябрьдә узачак. Каникуллар вакытында Бөгелмә муниципаль районының белем бирү учреждениеләре эшне дәвам итәчәк. Мәктәпләрдә фән олимпиадаларының муниципаль һәм республика турына әзерлек бара. Өстәмә белем бирү учреждениеләре шулай ук гадәти график буенча эшне дәвам итәчәк.
"Балалар бакчалары гадәти режимда эшләячәк. Ял көннәрендә йөрүчеләр саны кимесә, дежур төркемнәр кертүне караячакбыз", - дип шәрехләде район мәгариф идарәсе җитәкчесе Валентина Кульбеда.