Бөгелмәдә судка мошенниклык сериясе турында җинаять эше җибәрелде

Россия Эчке эшләр министрлыгының Бөгелмә районы буенча бүлеге тикшерүе белән «мошенниклык» Россия Федерациясе Җинаять кодексының 159 статьясындагы 3 һәм 4 өлешләрендә каралган җинаять билгеләре буенча, җирле 49 яшьлек ханымга карата кузгатылган күп эпизодлы җинаять эшен алдан тикшерү төгәлләнде.

Тикшерү мәгълүматларына караганда, 2018 елның 4 октябреннән 2019 елның 4 декабренә кадәр гаепләнүче сигез зыян күрүчене үз ниятләрендә ялгышлыкка кертеп, аларны отышлы шартларда, процентлар белән бурычка акча бирергә күндергән. Шул ук вакытта законлылык, үз ниятләренең намуслылыгы һәм соңгыларының уяулыгын йомшарту максатыннан, алдан ук үзенә йөкләнгән йөкләмәләрне үтәргә ниятләре һәм мөмкинлеге булмаган килеш, аларга үз кулы белән расписка язган. Зыян күрүчеләрдән акча алгач, җинаятьче финанс кыенлыкларына сылтап, үз бурычларын үтәми. Китерелгән зыянның гомуми суммасы 14 миллион сумнан артып киткән.

Хәзерге вакытта расланган гаепләү карары белән расланган җинаять эше судка җибәрелгән. Инкриминацияләнүче маддәләрнең санкцияләре ун елга кадәр иректән мәхрүм итүне күздә тота, дип хәбәр итә Россия Эчке эшләр министрлыгының Бөгелмә районы буенча бүлеге матбугат хезмәте.