Бөгелмәдә күңелле гаилә спорт бәйрәме узды
Бөгелмә балалар паркында «Әтисез дә, әнисез дә - ял көне нәрсә ул? " дигән гаилә спорт бәйрәме узды.! Кызыклы чараны илебездә Россия Президенты Владимир Путин игълан иткән Гаилә елына багышладылар. Күңелле стартларда дәүләт учреждениеләре һәм җәмәгать хезмәте күрсәтү хезмәткәрләре профсоюзының Татарстан Республикасы оешмасы Бөгелмә муниципаль районы беренчел профсоюз оешмалары әгъзаларының гаилә командалары катнашты.
Һәр команда составында - Әти, әни һәм бала. Катнашучылар йөгерүдә, туп белән сикерүдә, гадәти булмаган эстафеталарда, шулай ук башка кызыклы конкурсларда ярыштылар.
"Барлык гаилә командалары да үзләренең җитезлеген, көчен, тизлеген, зирәклеген күрсәттеләр, ә иң мөһиме – күтәренкелек һәм уңай эмоцияләр алдылар. Алар өй һәм хезмәт мәшәкатьләреннән актив ял иттеләр", - дип сөйләде Бөгелмә муниципаль районында профсоюзның республика комитетының ышанычлы кешесе Ләйсән Миңнекаева.
«Иң бердәм гаилә» номинациясендә Петровлар гаиләсе җиңде («Ялкын» социаль приюты). «Иң ихтыярлы гаилә» дип Фаттаховлар гаиләсе ("Факел" спорт мәктәбе) танылды. "Иң тапкыр гаилә" - Минәҗевлар гаиләсе (Бөгелмә халыкны эш белән тәэмин итү үзәге). «Иң җитез гаилә» номинациясендә Латыповлар гаиләсе (укучылар сарае) җиңде.
Гаилә бәйрәмендә катнашучыларның барысы да дипломнар һәм бүләкләр белән бүләкләнде.